एक महिन्यांच्या या सघन व पूर्णवेळ प्रमाणपत्र अभ्यासक्रमामध्ये भारताच्या विविध भागांतून सहभागी झालेल्या विद्यार्थ्यांना सैद्धांतिक ज्ञान, प्रात्यक्षिक प्रशिक्षण, चिकित्सकीय प्रात्यक्षिके आणि प्रत्यक्ष अनुभव यांचा सर्वसमावेशक परिचय करून देण्यात आला.

अभ्यासक्रमामध्ये नियमित मूल्यमापन, परीक्षा तसेच सहभागींचा अभिप्राय यांचा समावेश होता. सर्व सहभागींची कामगिरी आणि अभ्यासक्रमाप्रती असलेली त्यांची निष्ठा उल्लेखनीय होती.

या अभ्यासक्रमाचे एक प्रमुख शैक्षणिक वैशिष्ट्य म्हणजे आयुर्वेद आणि आधुनिक वैद्यकशास्त्रातील 65 हून अधिक नामवंत तज्ज्ञांनी अतिथी प्राध्यापक म्हणून सहभाग घेतला. यामुळे सहभागीांना विविध शैक्षणिक दृष्टिकोन तसेच मौल्यवान चिकित्सकीय मार्गदर्शन मिळाले.

अभ्यासक्रमाचा चिकित्सकीय घटकही अत्यंत समृद्ध होता. विविध आधुनिक तसेच आयुर्वेदिक उपचारपद्धतींचा वापर करून 150 हून अधिक गुदविकार व मलाशयाशी संबंधित शस्त्रक्रिया यशस्वीपणे पार पाडण्यात आल्या.